臺灣音聲一百年網站

全文

囝仔抱來治眠床 昨冥干苦到天光 就謹拴乎產婆返 伊纏塊咱歸冥昏 紅包我栓八圓銀 恰賣乎人笑鷄孫 小可節本永無論 着恰什來共阮巡 人着做好有補所 頭胎即能生杳埔 雖然謹快賣干苦 腹肚夭甲面卜烏 紅包八圓是無罪 產婆相辭就返回 阿針布仔請人洗 開厨桔餅就去提 一塊桔餅做四周 帝腹人着煑麻油 煞參一杯舊紅酒 后日骨節即賣抽 麻油進前搭來勸 灶脚燒酒歸大扛 煞炒一碗麻油飯 着食面色即賣黃 只欵不者好尫婿 不免我講遂項知 栓卜乎我做月內 野未三日鷄免刣 桔餅炒飯捧到位 二項排排做一追 呌娘恰苦食几嘴 月內無食人賣肥 茶古底威汗去勸 嶺蓋過帝連只莊 汝栓桔餅甲炒飯 甘草也未買入門 甘草央人買百一 煞捧碗頭搭冬蜜 今日十月●廿七 廿九通好做三日 *歌詞參考：《最新病子歌》，玉珍漢書部，1932年4月30發行。