客店笑話(三)
演唱
梅英、加走、阿玉、蚶目
關鍵詞
內容描述
多人對答，內容為兩夫妻在客店(旅館)中發生的各種趣事，主要是妻子鄉下人，對都市的生活器具感到陌生，而鬧出許多笑話。劇情中出現許多道具製造出聲音，如電扇、電話、電鈴聲等。
語言
臺語
發行編號
T365(利家-黑)
出版者
日蓄(古倫美亞)
資料提供
日本國立民族學博物館
全文
某：毋囉！辦kah花柳綠，抑卵是煎無熟！遮呢仔熱，食了阮嘛袂chhiau-chhek63！ 下女：哈哈！若熱毋都講？我緊來去共你拴電風啦！ 某：唉唷…，講正實激kah遮呢仔巧氣啦？抑共鏇一下，風仔閣微微微！唉唷？痛！ 痛！痛！指頭sut一下斷做四、五支，我會死啦！ 下女：唉唷？你敢會遐大呆咧？指頭仔sut斷即應該！碗盤共人摃摃破，人阮是毋知 囉！ 尪：唉唷…，你哪會遐呢悾？手去摸電風？Ho?…，碗盤共人摃摃破，今都叫恁祖公 囉！ 某：唉唷…，我苦！烘爐、茶鈷囉！指頭仔sut一下紲溶糊糊囉！ 下女：哈哈…，想著好笑也好氣啦！頭家啊！ 店主：喂…？ 下女：緊出來看景致喔！碗盤摃摃破，是無阮的代誌啦！ 店主：我來！我來！唉唷？抑是咧變痟？碗盤連箸共我摃破了了矣？ 尪：Hio?…，你都會生猴64？店主來矣啦，閣定定覕咧內頭？ 某：唉唷…，你此?老短命咧！指頭仔sut一下紲腹肚疼囉！ 尪：哈哈…，你碗盤共人摃摃破，即來蹛遐假死假活？毋出來，是欲共你拖喔！ 店主：啊？毋倘！毋倘！毋倘！毋倘！這小寡代誌！這後擺仔較注意ho??h！予人知彼 陣都歹神氣65（phai?-seng-khi），加講你也都加現示喔！ 尪：E…，頭的啊！ 店主：喂…？ 尪：算算咧看偌濟？我即賠啦！唉唷…，??著kah此號出門，是欲討憐回喔？ 店主：無要緊！無要緊啦 尪：Eh？Eh？Eh？Eh？三八面，抑又閣假驚死？講定定覕咧內面，是欲ni？ 某：人阮佇咧放尿啦，你免喝kah h?-h?趒喔！ 尪：唉咿？內面也無尿桶，你蹛叨位放咧？ 某：有！猶有這無？一?白phang-phang，中央閣留一孔你知無？ 尪：Eh？Eh？Eh？Eh？唉唷…，上三八共人放尿，也毋驚共人淹著尿，三八面是對叨 照？ 某：三八你的死人啦！抑無，欲叫人放蹛叨一孔？ 尪：Eh？抑毋知，咱毋都講？無彩便所是伊轄所！唉唷…，共人放kah eng phongphong， 予人知，較加嘛都冤枉！ 某：毋免拍拚！阮捧來去拚喔！唉唷…，捧懸蓋蓋，害人紲??破囉！ 下女：唉唷…，你此?查某人客！敢會遐悾氣咧？抑捧懸共人摃破啥代誌？ 某：Ho?，你看！攏嘛是阮彼?老夭壽，你知無？叫我講都共捧去丟啦？ 尪：Eh？唉咿…，世界傖嘛是你此扮，khah咧卸祖公！拜託你毋倘講，我即賠你較相 當的ho??h！ 下女：哈哈！阮這下女做此冬，嘛毋捌拄著種的孔！
