客店笑話(一)
演唱
梅英、加走、阿玉、蚶目
關鍵詞
內容描述
多人對答，內容為兩夫妻在客店(旅館)中發生的各種趣事，主要是妻子鄉下人，對都市的生活器具感到陌生，而鬧出許多笑話。劇情中出現許多道具製造出聲音，如電扇、電話、電鈴聲等。
語言
臺語
發行編號
T364(利家-黑)
資料提供
日本國立民族學博物館
全文
某：老的喔？ 尪：啥貨？ 某：你欲??阮來???，抑行kah i?-koai?遨，毋倘共阮??拍無喔！ 尪：袂啦！驚落溝去，也袂扭咧雨傘頭？行啦！ 某：Ho?，行！ 補雨傘：補盤、補碗、補雨傘--的！ 某：尪的喔，共阮買一碗來食看覓咧！ 尪：抑無，阿八的？ 某：怎樣？ 尪：你欲共買啥貨？ 某：你也無聽見，鱸鰻曝干佮麵線？今毋共買一碗來食看咧講？ 尪：哼！知影你欲孝孤60！人咧補盤、補碗、補雨傘，啥物鱸鰻曝干濫麵線囉？ 某：唉唷…，夭壽喔！喝甲花ko-ko，予人聽攏無。抑今得欲落矣啦，猶閣踮咧滿街仔 趖？下昏看欲來去蹛叨落？ 尪：He有矣喏！有錢倘予人賺，叼擾遮的客館！ 某：若kah有tang蹛，行kah遮呢仔熱！老的？ 尪：怎樣？ 某：來去歇睏較快活喔！ 下女：人客啊！來坐喔！入來食茶啦！來啦！免客氣啦！請?的茶啦！ 某：好！好！好！好！真多謝！唉唷…，怎麼予你捧予我食？ 下女：人客啊！我??恁來去樓頂，看欲愛叨仔一間？予恁家己去揀啦！ 尪：抑無，阿八的啊！ 某：喂？ 尪：行起來喔！ 某：行起來！ 尪：哇啊…，看遮濟款，看欲叨一間ko？ 某：唉唷…，後房都較光（kui?），暗暗仔閣無眠床（chhui?）！ 尪：哈哈…，你也都誠毋值？此號一間總鋪，比眠床較平鋪liah！ 下女：唉唷…，你這查某人客啊，也都誠好揀！怎麼連鞋仔也共人穿穿起來樓頂咧？ 尪：Eh？抑無，阿八的啊！ 某：啥貨？ 尪：你也都誠漏氣！正實含鞋共人穿穿爬起來樓梯呢？唉唷…，褪起來啦！樓仔共人 踏kah雄鬼鬼61矣啦！ 某：唉唷…，你此?替人死咧！知影，也毋共阮通知？衫褪起來拭拭咧啦，隨時嘛清 氣！ 下女：唉唷…，你此?老兄嫂！怎麼新衫拭kah烏趖趖？你是踮佇叨來???的咧？ 尪：哈哈…，踮真遠（h?i?）喔！阮踮佇咧內壁坑、半天池，欲行都三工過兩（n?i） 眠。 下女：Ho?…，都是踮遐遠喔，即會較毋捌出門啦！唉唷…，我今緊來去拴彼?暗頓 喔！ 某：唉唷…，此?查某囡仔囝，逐項都知影！老的啊，講知影咱腹肚枵，欲去拴暗頓 來相請啦？ 下女：人客啊！飯菜拴恁兩?食！飯共恁貯好囉，趁燒緊來食喔！ 某：查某倌，下昏蹛恁兜，怎麼予你辦kah遮腥臊？Eh？碗哪會用此號茶甌咧？ 尪：唉唷…，欲食你嘛緊食！人客遐呢濟，蹛遐佯he三八話？ 某：唉唷…，抑是貯kah此匙仔飯，一粒鴨母卵、三層肉，閣一碗湯，蓋成得欲食外方 62喔！欲哪食會飽？毋都規暝枵kah光？ 下女：哈哈，人客啊！誠失禮！誠失禮！若食無夠，我即閣來去貯啦！
