臺灣音聲一百年網站

全文

王女士閣聽見外頭的眾人干若哈哈叫，「今是欲叫怎樣？」 親身即出來，即問怹此三人講：「恁今逐家毋倘加話，毋倘哈哈叫！這我是予阮老父 所害著！阮老父因為是筊所致，去騙恁三位的錢，騙講我欲嫁恁做妻兒啦！實在是無 影此號代誌！今仔日是真不得已，我是一女是配一男，叫我一人的身分分做三?身軀 來配恁三位，永是無的啦！總是今仔日若是欲取較有學問的，相當??做詩，??做猜佮 做對的，看啥人腹內較靈通，我即甲嫁伊做某！若是憨慢的，猜袂著、袂曉倘做的 ho??h，娶無毋免怨恨都著啦！」 「Ho?，嘛是好！」 「Ha?？你有聽見--無？女士佇咧講，看啥人較有學問的，較相當的，若會曉做詩佮做猜ho??h，即欲予做某！若袂曉做對、做猜ho??h，都是娶無免怨恨啦！你啥款？」 「按呢嘛是好！看你是欲做予我對，抑是我做予你對ko？抑無按呢，賬櫃啊，你先做予我對咧ko！」 「抑甲你先生你欲猜ho??h，緊咧我做予你猜ko！你算埋地理的是毋？我做一寡地號 名，予你猜看會得著--無？」 「會用的！會用的！做來！做來！做來予女士聽看覓咧！」 「來！來！火燒嘴鬚，予你猜地號名一句？」 「火燒嘴鬚，猜林口！」 「九人十一?頭，予你猜咧？」 「基隆頭！」 「著！著！此句老人尻川咧？」 「錫口！」 「尻川著箭咧？」 「社後射通！」 「放屎倒退咧？」 「龜崙！」 「幾粒chi仔排薰筒頂？」 「八里坌！」 「囡仔相拍，起大人事？」 「He大灣ko！」 「賣魚的無秤？」 「也紲袂曉講?尾92？」 「水蛙跋過孔咧？」 「新店！」 「飯匙添泔？」 「澳底！」 「剃頭無洗水咧？」 「礁溪！」 「矮人盤查某？」 「講是八堵！」 「下晝若無菜倘食咧？」 「講五堵啦！」 「奴才抹粉？」 「猜中庄！」 「大人chhoa尿咧？」 「東門liah！」 「大人戴囡仔帽？」 「講崁頂！」 「矮人穿長衫？」 「講崁仔腳！」 「五斤豬腳塞做一嘴咧？」 「大嵙陷93！」 「頭殼戴桶盤？」 「坪頂！」 「點燈照蝦呢？」 「暗天啦！」 「青瞑的放不見，看予你猜喔？」 「木柵！」 「啊好，著甲我咧！著甲我咧！哇…，你按呢猜遮濟，著遮濟也會用得？換你咧！換 你咧！」 「來，我予你猜！你算是藥店的賬櫃ho??h，我地理仙此馬欲做這予你猜咧！所以講 ho??h，這全是藥味，看你會曉--無？」 「喔…，若甲是藥味，做你來ko！我利嘴便！」 「四仙土地公排做一堆，賬櫃喔，予你猜？」 「四仙土地公是毋？啊？四神啦！」 「抑若青瞑的擘塗豆咧？」 「砂仁！」 「?拐仔?後腳？」 「講木通！」 「過橋?雨傘？」 「候風94！」 「甕內放毋見鱉？」 「正耆！」 「皇帝掠咧飛？」 「痧苞！」 「查某人泅水咧？」 「猜蛤蚧！」 「老人拭囡仔尻川？」 「白芍！」 「水牛跋落街？」 「牛蒡！」 「抑若半天火燒厝咧？」 「滿天紅啦！」 「查某人烘火桶咧？」 「紫蘇！」 「跋牌仔偷?支咧？」 「柴胡啦！」 「放屎ku咧棺材頂？」 「龜板！」 「剃頭無洗水？」 「講干葛95！」 「臭頭一支毛？」 「獨活（hoa?t）！」 「一千文娶一?某？」 「桂枝！」 「飯桌頂？」 「誠貴！」 「無錢得著某咧？」 「白胡椒！」 「查埔人烘火籠咧？」 「酥蕎liah！」 「慢且是！慢且是！」 「無啊，是啥物人咧喝慢且是？」 「長工，閣啥人？恁做甲此號猜，逐家號做親像食飯米ko。我無讀書毋捌字，此號做都叫女士本身出來做即會用的。恁家己做、家己猜也會用的？」