鬧洞房 二
演唱
解頤俱樂部
關鍵詞
內容描述
北管音樂常用於婚喪喜慶中，用熱鬧的音樂表達祝福與歡樂之感。
第二段開始，賓客開心的鬧洞房情結，輪流講四句連、鬥句，穿插台語等各種語言，盡展傳統社會的語言趣味。
語言
臺語
發行編號
80124(古倫美亞)
資料提供
日本國立民族學博物館
全文
其他：來喔！恁逐家喔！ 媒人：新娘生?好人材，列位欲看都規排。恁若無四句，按算毋倘來！ 其他：講若無四句，無倘來啦？ 賓客1：予我！予我！雙（sang）腳踏入房間內，欲看新娘逐家知。新娘是?毋是?，諸君欲看都綴我來！ 其他：行喔！行喔！ 賓客1：喔…，人哪會遮呢濟按呢？囡仔大細看遮濟？大細徛到幾偌沿，欲聽黃桑四句連。冬瓜若是有拴便42（chhoan-pi?n），緊緊相出（sa?-chhut）毋倘遷43（chhian）！ 新娘：代先食茶啦！代先食茶啦！ 其他：無啦！代先食冬瓜即著！食冬瓜即著！代先食冬瓜！ 賓客1：新娘賢慧真有影，敢都冬瓜來代先請？此下若是入門喜，明年（mani）定規（t?ng-kui）會生囝！ 其他：著！著！著！冬瓜來矣！冬瓜出來喔！冬瓜出來喔！ 新娘：請恁食冬瓜啦！請恁食冬瓜啦！ 其他：我代先啦！你緊去此爿啦！ 賓客2：敬老尊賢，古人所言，應當如此，毋是??遷44（chhian）。 其他：著！著！著！ 新娘：逐家啊！食啦，逐家啊！食冬瓜啦！ 賓客3：新娘啊！新娘啊，你欲請我--無？新娘啊！新娘你真賢慧，因何哪毋講話？He是毋敢說，昨暝哪講遐濟（ch?e）？ 賓客4：新娘啊！新娘啊！喔啊…，真促嘈45（chak-ch?）你ha?h！喔啊…，新娘冬瓜捧kah遮大盤，較大咧北投紗帽山，毋信恁來看呢，都是高玉山ko。 其他：著！著！著！ 賓客5：今著我矣！今著我矣！我念一下！來！新娘面幼茈（iu-chi?），腳踏去真勻美，下昏暗咱逐家，祝恁會合喜（ha?p-hi）。 其他：換我！換我！ 賓客6：猶閣著到我囉是毋？新娘美貌如天仙，手捧冬瓜半奢膦（chhialian），無的確（tek-khak）拿茶焙薰，踮五更歕好煙。 賓客7：新娘第一好品行，孝順翁姑和家庭。定定有賰來食穿啊，入門家和咧萬事成。 賓客8：新娘你誠賢，便是好姻緣，日子若無食醋，相好度少年。 其他：此句也使講？ 賓客9：專工請我嘛真歹勢，今都捧請眾逐家，囝婿明年（ma-ni）都做老母矣，新娘明年定規（t?ng-kui）欲做老父。 新娘：唉唷，毋著啦！毋著啦！ 賓客9：無啦，新娘明年若做老母，囝婿明年即做老父啦！ 新娘：著啦！著啦！ 賓客10：新娘咧好針黹（chiam-chi），媳婦?銅指46（tang-chi），生kah真齊咧真恭喜，有的眠床舖，有的坐交仔椅。 其他：按呢講袂使得！ 賓客11：無啦！是按呢啦！講有的做先生，有的即做生理！ 其他：著啦！著啦！都是按呢講！
