看龍船
演唱
阿秀、高貢笑
關鍵詞
內容描述
前奏為鬧廳音樂，接著是夫妻兩人辛辣的對答，兩人相偕去看龍船，沿路互罵口角，非常有趣，呈現臺語當中趣味互駁語言文化。
語言
臺語
發行編號
T275(利家-黑)
出版者
日蓄(古倫美亞)
資料提供
日本國立民族學博物館
全文
男：抑無，三八的啊！你也無想講今仔日啥物時陣，人有的牽囝佮抱孫，你嘛精神毋倘睏，去港邊仔看人扒龍船喔。 女：哭父咧！ 男：你咧哭母咧！較低116，夯椅仔架腳？ 女：恁父愛睏kah欲死！ 男：愛睏，你猶閣會罵人？也無看見今仔日龍船咧謝江？Ha?h？扒贏，金牌賞著四、 五錢重，今年佮永年仔無相同你知毋？ 女：唉唷…，夭壽短命！你也毋較早睏，招我???我無花喔！ 男：說即咧說，今緊行喔！ 女：行喔！唉唷…，老的啊！ 男：怎樣？ 女：可憐緊到地，遠遠都聽見大鼓吹喔！ 男：抑無，三八的啊！ 女：喂？ 男：你嘛較緊咧！龍船兩爿咧對拚，毋知叨一爿欲扒較贏喔？ 女：老的啊！ 男：按怎？ 女：小等咧啦！ 男：啊？ 女：恁父鞋落去矣，緊喔！緊來共我抾咧啦！ 男：唉唷…，鞋你毋禁在鞋邊？抑來到此?半路，你即咧哮hi?？看欲佇當時行到港 邊？今你鞋落佇叨？ 女：唉唷…，夭壽短命你是青瞑？也無看見鞋落佇溝仔墘？ 男：唉唷…，正實有影！講此雙鞋看按怎穿？He也真僥倖喔！今緊佩去佩好喔，即袂 跋倒喔！ 女：老的啊！ 男：按怎？ 女：來咧啦！我共你講啦！ 男：唉咿…，講即扭黨，龍船佇咧扒喔，欲講轉來厝的即講啊！ 女：毋知你矣啦！褲帶拍斷去，褲紲lang袂牢啦！ 男：創啥潲？按怎褲帶會lang袂牢？也無行kah偌遠駛馬，褲帶會拍斷？ 女：無啦！拄著矣，你看到地矣。我凊彩捎，捎一條來ha咧。一下行到門口，即知ha 著鹹草。一路你趕大路咧，害我鹹草紲斷咧半路。 男：Ho-ho，按呢生？褲帶斷今擲殺喔，我草索仔緊抾一條予你縛喔！人鑼聲佇咧 tan，褲帶緊共我催予?喔！行喔！ 女：老的啊！較緊咧喔！龍船佇遐扒來矣！ 男：正實扒來啦？（扒龍船聲）唉唷，外身117贏！外身贏！ 女：無！內身贏！ 男：眾人人會kah he-he-ti，外身贏kah欲規嘴橋！ 女：唉唷…，老短命，你哪毋反應？外身旗仔都扭袂著喔！ 男：啊…，你這三八的，目睭嘛較霧？明明內身龍船輸，眾人一人會一句，外身啊， 船頭坐kah浮浮浮。 女：唉唷…，老短命！你免遐大細聲喔，我看內身的龍船扒較贏，外身押舵（ta）是 ha袂定，到時龍船是扒袂行喔。 男：三八的，你嘛按呢目睭看袂準？食老目睭嘛較混沌！通人嘛會kah無歇睏，內身輸kah欲規隻船咧！ 女：唉唷…，夭壽短命你啊，你的目睭敢咧墜丁？ 男：你敢佇咧下消咧！ 女：近來食老目睭若較失明，無咱來相輸咧啦！ 男：好啦！ 女：你看啥人會搶he金牌，予叨一爿啦？ 男：好！好！好！明明予你此?氣kah半小死，佮恁父諍kah欲大舌！叨一爿贏我共你 講，免相諍啦！看啥人會去?著優勝旗啦？ 女：喂！唉唷…，老短命你！愛諍你諍喔，毋信你呔喔！毋免佮我諍kah落下頦，毋免 展你嘴尖舌利！下昏暗轉去你都知喔！ 男：唉唷…，怎樣仔轉去都知影？你嘛解說一下較明予我聽！恁父毋是彼號惜性命的 呢，你欲ha?恁老契兄喔？ 女：我無愛佮你講啦！ 男：無愛講呔！ 女：佮你講敢會嘴焦？唉唷…，老猴你孝孤伸腳攔（na），下昏轉去若佮恁父枵枵 吵，恁父一腳共你踢落眠床腳。 男：唉咿？這是咧放屁穢大人，按呢i?-i? oai?h-oai?h si?-si? soai?h-soai?h！閃開！
