臺灣音聲一百年網站

全文

人人欣善我好命 富貴不達咱个名 人兮只欵敢有影 子兒面形親象兄 燒金放炮在吟墘 油飯捧出去放施 門口个人圍鄭鄭 囝仔大小塊三精 听見外面下下呌 油飯咱銃十几石 香孤蝦米參賣小 能防呵老即有着 囝仔夭甲噯噯哭 有人契甲鼻那流 一手一丸食無到 走返因厝捧碗頭 外口攘甲下下趙 敢是囝仔底賣着 我治房間想愛笑 案盞手骨簡賣燒 有个歸碗捧塊走 有人脫衫起來包 吃嘴擺脚朗來到 雄雄走甲相哈頭 外口今是塊盞樣 阿君入內通知娘 有个箸靴胚死帳 人塊笑伊那監囚 我閣出來皆看覓 青冥允龜也有來 朗食有着上加再 打算五路通昭知 今日我娘上歡喜 歡喜頭胎生男兒 甘草今着骨力飼 後日咱卜向望伊 青冥無看槍上罪 人人食飽即返回 土脚加落大四繪 允龜捧碗走來溪 *歌詞參考：《最新病子歌》，玉珍漢書部，1932年4月30發行。