臺灣音聲一百年網站

全文

親成五什卜返到 滿月着閣來七桃 恁着斟足行呼好 我賣起來禮恰無 大个食甲嘴油油 老人糊甲歸嘴秋 擺脚卜食相牽手 青冥糊甲歸目周 厝邊頭尾照回返 今日介倒咱本庄 斗君嵌胡收來勸 捧卦油飯置人床 食飽各人就起行 嵌胡收來下大廳 問娘看覓恰有影 咱子卜號省乜名 人名廣卜乎阮號 驚賣合意我親哥 號做介財好不好 有嫌呆名野是無 娘仔真正有腹內 子名加號做介財 命底來去皆看覓 好命呆命就下知 阿君廣卜加看命 着報出生乎官廳 天光卯時正正正 清清楚楚報乎兄 命看明白緊返到 即賣害娘等候哥 咱子下命正實好 那帶水關別項無 听哥汝說只層事 不知是實野是虛 咱子水邊不通去 着照先生下命書 人我正實賢放種 咱子財庫帶双廷 后日大沾有路用 得確比我恰才前 *歌詞參考：《最新病子歌》，玉珍漢書部，1932年4月30發行。