臺灣音聲一百年網站

全文

「喂！你是婦人人，應該然都予查埔人做雜役即會用的！若無論啥物款的穡頭，你應 該然嘛去做。」 「你毋知是咧講啥物戇話，都嘛毋知。平平也是一?人，平平父母生的，平平十月日 出世的，啥物阮都予你做雜役？」 「我查埔人較大，你婦人人較小--無？」 「是怎樣講敢會較大？」 「查埔人是天，婦人人是地--無？」 「天怎樣都較大咧？地是怎樣都較小咧？」 「你無聽見人講天地、天地？按呢先講的都是較大！」 「Ho?…，若是先講的較大，我請問你咧！你是相當有學歷的人，照彼號甲子的算法， 天是屬啥物？」 「天？天是屬陽！」 「抑地咧？」 「地是屬陰！」 「抑是陰陽先講，抑陽陰先講？」 「抑你按呢活欲氣死我！逐家嘛講男女，敢有人講女男？」 「我請問你咧，查埔敢是外子，理外口？」 「著！著！著！著！著！」 「抑婦人人敢是內子，是理內面？」 「著！著！著！著！著！」 「抑若kah是著，是內外先講，抑外內先講？」 「唉啊…，抑查埔是屬陽，逐家嘛講乾；婦人人都是屬陰，逐家嘛講坤。乾坤乾 坤！」 「Ho?…，有影啦！憑你按呢講，彼?鳥仔母的號做啥？」 「母的都是雌--無？」 「抑公的咧？」 「公的都是雄。」 「抑是雌雄先講，抑雄雌先講？」 「抑若欲聽你按呢咧講，毋紲你較大？」 「也毋免講啥物我較大，我若會值上男女平等，我都真滿足啦！」 「哈哈…，你也真袂見笑！也無想一?柴，一塊米，一碗飯、一sian五釐，全是靠阮查 埔人的氣力，毋知用啥物欲佮人平等咧？無像阮查埔人每日嘛有勞動，所趁的錢予你 食，一日做kah欲死，你定定踮厝內咧曲腳。全全予你偏了了！」 「Eh？人啥人欲偏你咧？你也無想講人予你做某，你若入門，都共你煮飯、焚水，拚 厝內，全全嘛予你偏了了。」 「無咧希罕！我今仔日若對這厝尾頂做穡，一日若趁四箍，提轉來你食兩箍，我食兩 箍。我敢有食較加你？抑我若腳骨踏溜落去摔死，我一下都欲死。予你偏了了！無咧 希罕！」 「我若大腹肚得欲生囝，囝出生來都叫你老父。囝若趁兩箍，你食一箍，我食一箍， 我敢有食較加你？我若生囝ui袂落，死，我一下都死！你又閣毋免死，我全予你偏了 了！」 「無咧希罕！我一擔擔百外斤擔出門，早起五點，去kah下昏暗五點即有倘轉來，暗時 睏liau倒咧睏。你做人的婦人人倒咧厝內，毋知人查埔人的勞動艱苦到叨位仔，無咧希 罕！」 「你按呢都喝重？我比你閣較重！」 「你有啥物偌重？」 「我若大腹肚，一腹肚都揹十月日。此?腹肚若準兩斤重都好，暝也揹咧睏，日也揹咧睏。你若毋信人的艱苦，你即老古ha咧腹肚，看你暗時猶會睏得--無？」 此馬都是男女對答的笑話。