狂財夢（二）
演唱
加走、蚶目、阿玉、月娥
關鍵詞
內容描述
第一集丈夫表示自己發大財，打算如何炫富，太太聽了半信半疑...接著丈夫說要娶個小老婆，太太反駁罵丈夫，兩人便打了起來......
男女對答互相鬥嘴戲劇唱片。有中西樂器合奏的樂曲，中間也穿插了唸歌及歌仔戲曲調。
語言
臺語
發行編號
T320(利家-黑)
出版者
日蓄(古倫美亞)
資料提供
日本國立民族學博物館
全文
女：唉唷…，都也正實有影ko！抑我都來激彼號洋裝，行路嘛即有風。彼號西洋派hoh，我上第一愛，你知毋？ 男：著啦！ 女：抑你ho??h，金目鏡都共買來框，嘛佮人選看有一?保正通好去管壯丁。 男：He自然的囉！抑我現金即幾千銀仔予你囥。抑若有人金錢提來，做你共伊當，利息重重做你共伊放，通人嘛都叫你ok-sang。 女：是，都著毋？ 男：（唱【江湖調】）利息是做你囉，共伊放較重，現金我即攏總啊，予你寄銀行e。出門是著袂囉，予人講屎桶啊e，錢有是勢頭啊，著會紅啊。勢頭是著會紅e！（白）抑我彼陣Siolin都毋捲，都欲激來食彼號Hamaki，帽仔來共激戴密密，出門閣?彼號steki。抑毋是咧講膨風的，有我此號人材，藝姐、酌婦計計嘛家己來。 女：猶閣啥貨？ 男：抑怹父彼陣仔都來共溫溫仔揀！ 女：哼？ 男：揀一?上一等仔上一等！ 女：哼？ 男：肥軟仔肥軟，有時仔我愛損也通來佮伊損！ 女：猶有--無？ 男：伊若憶著咱的錢，我都一萬八千銀仔共娶來做細姨。你此馬歲頭也較濟矣，工課 也較袂，娶來通看頭看尾，也有通鬥顧傢伙。 女：此條he袂食得囉！啊…，唉唷…，你此?半路死，未曾趁著錢，講也想欲娶細姨？恁父是毋敢想，你家甲79寧可退退予阮。你此?膨風短命，膨風早死，恁父是無愛佮你踮咧吵嘴齒！ 男：啊好！恁父細聲共你講，你紲直大聲蹛遐按呢kiah-kiah叫？啊好，你嘴kah遐呢 嬲，恁父予你去矣！予你去矣！ 女：唉唷？這半路死，講按呢也共恁父sai啦？好啦，恁父敢咧驚你是毋？予你死矣！ 男：唉唷？嘴鬚欲共me7挽？ 女：（唱）臭短命，在在倘？ 男：抑你彼孔是啥孔？ 女：（唱）嘴頰共阮sai甲雙爿遮呢紅？ 男：共你sai都共你sai，都摃電報予你知？（唱）恁父娶甲你此扮，唉唷…，嘴鬚共我挽。 女：共你挽都共你挽，我咧驚你是毋？ 男：（唱）都是虛榮心傷過重，即會吵吵毋甘放。
