狂財夢（三）
演唱
加走、蚶目、阿玉、月娥
關鍵詞
內容描述
前兩集是夫妻的吵架，丈夫表示發大財了要娶小老婆，老婆生氣兩人就打起來，小孩跟阿公阿嬤告狀。阿公一聽兒子有錢，也開始幻想要怎麼當有錢人，開土壟間、賭博、戲台看歌仔戲、聽古倫美亞的歌仔戲曲盤......阿嬤恥笑阿公做生意不會成功，兩夫妻也開始吵了起來...
男女對答互相鬥嘴。有中西樂器合奏的樂曲，中間也穿插了唸歌及歌仔戲曲調。
語言
臺語
發行編號
T321(利家-黑)
出版者
日蓄(古倫美亞)
資料提供
日本國立民族學博物館
全文
囝：喔啊…，誠心適！阮阿爹佮阮阿母仔咧相拍，阮阿母仔閣爬咧共阮老父咬，阮阿 爹頭鬃一直共阮阿母仔p?，嘴頰雙爿sai。有影有影，我緊來去報予阮阿媽知！阿媽 喔…？ 阿媽：喂？ 囝：人阮阿母仔佮阮阿爹咧相拍、扭頭鬃，是拍甲外大孔咧喔！ 阿媽：唉唷…，僥倖喔！抑今是相拍啥代誌？ 囝：也知？都講阮阿爹趁著錢啦，啥物欲娶細姨啦？ 阿媽：有影，抑是無？ 囝：有！猶有一?無影的？ 阿媽：唉唷…，僥倖喔！老的啊！ 阿公：啥貨？阿花？ 阿媽：緊啦！緊去共看咧！ 阿公：是欲看啥貨？ 阿媽：兩?都敢得欲拍死死囉！ 阿公：哈哈…，伊若欲死坐活食，抑來厝毋好額。欲食毋趁，抑得欲坐咧予伊散？今 仔日寧可嫁甲袂好勢，家甲順紲退，免不時咧吊鼎，得欲害死咱彼?查某囝喔！ 阿媽：你此?老短命看人毋起！人敢講趁著錢矣，想得欲娶細姨。 阿公：哼？ 阿媽：趁此陣喔，伊的內面現金講猶幾偌千，去偷淡薄仔通來開土礱間啦。 阿公：有影抑無咧？ 阿媽：猶有這無影的？ 阿公：嘿嘿…，抑若甲有影，按呢都著！抑米則來倩人舂！Ha?h？記賬即來用彼號女 學生較正經。 阿媽：著啦！ 阿公：櫃後即我家己h?a?，現金我家己款，老的啊！ 阿媽：喂？ 阿公：米菜即著予你拴喔？ 阿媽：唉唷…，老的啊！He免煩惱！He我會曉哩囉！ 阿公：抑有時仔咱著用彼號青魚，有時仔都來剁彼號肉丸！Ha?h？抑生理做了若無 了，一半擺仔我來去佮伊跋筊。第一毋值著是壓墨賊，上蓋好著是跋撚寶你知無？ 阿媽：哼？抑是按怎？ 阿公：筊跋了若袂甲偌落衰，咱土礱間彼馬即袂癮開啦！到時好額，免趁著有通食。 抑有時仔彼馬若閒閒無代誌，咱尪仔某即相??來去戲臺，來看彼號歌仔戲。煞對城內 來去，第一心適著來買古倫美亞的笑詼佮歌仔戲曲。抑毋是咧講喔，筊跋甲一下贏， 四界齊有出名，物件搬得甲規山坪喔。 阿媽：哼？唉唷…，老短命！你毋知那講即那紲氣力喔？加講較停仔著予你毋值。你 免咧佯痟，閣專專咧想跋筊啦？抑若生理予你此扮的h?a?，較加嘛都了。寧可無妥 當，你毋倘共我創！你喔，家己去想想較妥當咧，抑若此條，拍死嘛袂行得。 阿公：唉咿…，好啊！你咧佮我講啥物痟話啊？Ha?h？生理是我咧做，米粟是我咧 配！Ha?h？一半擺仔來去跋筊，是有啥物甲外大不了？喔你老猴，佮恁父咧佯痟？
