狂財夢（一）
演唱
加走、蚶目、阿玉、月娥
關鍵詞
內容描述
戲劇唱片，夫妻男女對答互相鬥嘴，丈夫夢見自己發大財，跟老婆炫耀自己將要如何花錢顯闊。
有中西樂器合奏的樂曲，中間也穿插了唸歌及歌仔戲曲調。
語言
臺語
發行編號
T320(利家-黑)
出版者
日蓄(古倫美亞)
資料提供
日本國立民族學博物館
全文
男：哈…，（唱）哪遐奇？睏睏夢見抾著錢，規房間滿滿是銀票四角，龍仔銀圓圓圓，真正歡喜。彼爿摸過來，此爿摸過去，目睭擘擘金，無甲半?錢。（白）嘿嘿…，牽手的啊，緊起來！起來！ 女：哭父啊！唉唷…，無今你是咧痟，抑毋是？三更半暝是咧看著鬼？活活欲吵死！一直叫，講也毋驚伊厝邊頭尾去予人愛笑？ 男：哼？你也毋知人的代誌，干焦一直咧受氣？人我頭起先夢見銀票規厝間，龍仔銀幾偌千，存辦欲高升做壯丁。 女：做你一?死人丁啦！有喔，做你去溫溫仔想喔？ 男：（唱【江湖調】）錢銀是予我囉，若入手，現金我即攏總啊，予你收e！ 女：啊，恁父是毋敢想喔！ 男：（唱）香水是做你囉，（白）牽手的啊！ 女：哭父！ 男：（唱）買來洒e，??你去大街啊，來去剪紡綢e。大街來去剪紡綢e。 女：哼！唉唷…，我毋知叫是啥代誌？講著此條錢，講按呢啦，共怹父吵規暝。有影，恁父看你過過！看甲你此扮，敢閣有才調趁遐濟萬？有影！那看是那拄恁父的? 喔！ 男：Eh？好啊，你看恁父也誠衰?啊？啊好，不久此馬錢若予我入手啊，恁父若有he十萬仔，彼陣攏袂拄你?喔！ 女：抑是按怎？ 男：大厝我都來起ko，前魚池、後果子，大廳激膨椅，中晝東洋煮，暗頓我都激西洋料理，抑暝尾我都點心代先，早起時仔咖啡牛乳。抑彼陣鏇環我都共你拍代先， sebilo我都來共落。抑kah有錢，出門我都毋驚人剉啊。 女：袂曉衰喔！ 男：（唱）sebi綾羅喔！ 女：猶有？ 男：（唱）我都做來穿，出門都共伊啊，激獻胸e。安某啊，若欲用啊！ 女：猶有？ 男：（唱）提去用啊e，錢有是人著啊講才情e。出門人著講才情e！
