有炒嬌無炒祅(下)
演唱
王滿良
關鍵詞
內容描述
單人講話的唱片，關於家庭的笑話，上一集是夫妻吵架一來一往，丈夫為妻子買布，被老婆一再嫌棄，於是夫妻打起架來，公公婆婆也加進來打成一團。第二集是老公先說工作辛勞，嫌棄妻子生活浪費，心理冷淡，於是兩人吵架、揚言要離婚，又打起架來，老婆刻意摔破碗盤、鍋鼎水缸......
標題「無炒祅」，指沒有的時候吵著肚子餓，無理取鬧。還談到鄰居遇到夫妻吵架的勸和或勸離的言談。
語言
臺語
發行編號
T144(利家-黑)
出版者
日蓄(古倫美亞)
資料提供
日本國立民族學博物館
全文
此馬此塊都是「無佇咧吵腹肚枵」。 無的人家庭相間會唐突冤家，怹某對怹尪講：「我從佮你結婚有十外年以來，也毋捌 食著好的物件，也毋捌穿著好的衫褲。你看人別人食的是山珍海味，穿是綾羅紡絲， 若綴kah你此?查埔人是非常的毋值！」 「啊？你也無按呢生，咱是農民節育，毋過後來快活。你也無想kah我一日去勞動，早 時出門到下昏暗即有轉來，非常的艱苦。你無自己想講，你也無踮家庭上做一半項女 工，來鬥助援助此?家計。」 「Eh？查某人敢都做穡？人別人你看人怹做，都是穿kah外遮呢好看咧！豬頭伍牲是 數十副，我定定綴你出來踮芋園的所在咧過日，是非常的毋值！佮你此款的結婚，實 在非常的艱苦！」 「啊…，你也無想講，你家己無共我鬥相仝，按呢咱農民節育，敢毋是換後來的快 活？」 「你閣再講kah遐的？啥物人欲想佮你久居的咧？」 「尪某逐家結婚，敢毋是想欲久居的？」 「啥物人欲綴你此?窮鬼久居的？」 「我若欲親像娶你此款的查某，無事事共我照顧此?家內，整日無反省。若娶kah你此 款的某，一世人艱苦，干若無烘爐佮無茶鈷，我不如無某較直。若欲親像此款，我心 肝內是真冷淡！」 「冷淡，抑毋看你欲怎樣ko？抑無，我都佮你離緣ko！」 「離，你都來離！敢有要緊？有錢敢無光景？世間的人，君子是志在四方。敢都你此 ?人，我即會得倘過日？」 「抑我敢都你此?查埔的，即會得倘過日？」 「抑若kah毋，毋看你欲怎樣？」 「抑毋，你欲怎樣？」 「怎樣都咧怎樣？」 「半路死，對你真便宜！」 「戇的！唉咿…，啥物真便宜？抑你按呢出嘴都罵我，抑我擋你會得倘牢？」 「Eh？擋袂得倘牢，我得欲啥物款ko！你拍歹著我的性地，我都用伍爪龍敢共你 擘！」 「你敢共me7擘？恁父查埔人擋你也會牢？無留寡我的面皮，我都搧一下予你！」 「唉咿？抑你閣按呢共我拍？」 「哼？抑拍你都拍你，看你欲啥物代誌由在你？」 「你敢拍我？鏨頭短命，恁me7都共你捻！唉咿，共你捻！」 「唉咿？抑你閣共我捻？」 「捻都捻！哼！查埔人拍kah贏，好！我擋你袂得倘牢，桌頂遮的碗盤，我都做一下共 你賣擲殺！共你落落去！唉咿，予你去啊！」 「Eh？抑你閣桌頂碗盤共我tim擲殺？」 「碗盤都咧希罕？恁me7含鼎紲予你破！唉咿，閣予你破！」 「Eh？抑你閣鼎共我摃破？」 「我含水缸都欲紲予你去！唉咿，閣予你破！」 「唉咿？你水缸、碗盤chhe?h-chhe?h破？抑你此款的查某，抑我擋你也會得倘牢，我 若無用強腳大力共你蹔落，恨嘛袂消！恁me7用強腳，唉咿，予你去啊！」 「唉咿？抑你閣按呢共我拍？好啦！你拍你贏啦！」 隔壁的人倚來講：「今恁是咧啥代誌咧？」 按呢按呢按呢，這都是無咧吵腹肚枵。若拄著好的厝邊，婦人人都來勸婦人人：「查 埔人火性，查某人水性，你較忍耐咧，家和萬事成，煞煞去！」拄著好的查埔人，也 是佮婦人人相同，按呢共解勸怹查埔。 拄著歹的厝邊，eh？咱查某人綴kah彼扮的查埔，現時都會的查某間，咱若去一時仔 久五箍銀，轉來也無啥物打歹。拄著歹的查埔，咱若去都會，傳此?妓女查某官，he 外仔呢誠親切，也kah娶kah此扮的查某？
