臺灣音聲一百年網站

全文

此馬此塊都是彼號家庭的笑話。世間的人多數是有吵嬌，抑無好吵枵。有錢的人敢會嬌得？ 怹某對怹尪直直咧講：「現時都會有賣彼號好的物件，門簾以及此號布類，你嘛去買幾項仔予我做！衫褲予我穿較好看咧，佮人相當即有比並！」 怹尪聽著怹某佇咧要求：「若kah是你所愛的，我哪會講毋允准你都好？明仔載我來去彼號都會批貨店，即買塊彼?較好的布來予你做！」 怹某聽著非常的歡喜，怹尪明仔載都會hia?h兩塊布轉來，路裡沿路行，咧想講：「此號阮某應該真合意即著！」 提到門腳口：「此號你愛--無？」 「Eh？按呢活欲氣死人！買kah此號布我都無愛，按呢活欲氣死人！」 「抑無，換此塊好--無？」 「此號我猶較無愛！Eh？恁某佮你結婚遮呢久，予你妝kah一?干若老雞母咧！愈活欲氣死人，此號阮無愛ti?h啦！」 「你安心！若kah是無愛ti?h，免煩惱！咱相當財產遐呢大，你若愛欲啥物好的物件，我嘛買予你！明仔載我來去都會，即閣來選去兩塊彼號較好的來予你！」 「若kah是按呢，我真歡喜！」 怹尪即去都會，閣再去買，買兩塊特選，是非常的?。提轉來路裡，自己那想那歡喜講：「我看了都真合意！E…，今仔日阮某敢毋真爽快即著！此兩塊予看著，毋知外仔呢chia?歡喜咧？」自己想那是好。 家己行到門腳口：「今仔日我閣再買轉來矣呢！」 「你買啥物款的？我看覓咧！」 「此塊都是廣絲的啦！」 「Eh？按呢活欲氣死人，按呢毋干若酒矸仔穿褲咧？此號阮無合意！廣你死咧！」 「抑無，此塊你愛--無？」 「彼塊啥貨？」 「此塊都是鵝藍貢面的！」 「Eh？貢你去死咧，我猶較無愛！你活欲氣死我！我無愛ti?h！」 「你若kah無愛ti?h，抑無，咱提來予別人做！按呢好毋？」 「Eh？提去予別人做，你好的物件全全是提去予恁夥計，我擋你會得倘牢？歹的物件 tu予我，我閣偏偏仔欲貼我較好！你活欲氣死我，恁me7予你破！」 「唉咿？你此?查某？無留kah我一絲仔的地位？我的面皮無共我顧？我好意買予你， 你今仔日共我拆擲殺，恁父擋你也會值倘牢？你欲大搧巴掌，幹恁ne，搧一下予 你！」 「唉唷？你共我拍？你若敢共我拍？無要緊，我都雄雄共你捻一下！唉咿，我共你掠 一下！」 兩?拍kah兵乓哮，查某人毋甘輸贏：「都無咧痟ko？阮的財產相當，阮聘金收你一 千，還你一萬，也無去遮（jia）著，都予你拍？」 怹大家旁邊聽了擋袂牢，?一支薰槌：「阮此?賢慧的新婦，eh？怎麼按呢共阮拍？ 夭壽亡，抑你敢拍恁某？我都粿槌一?予你！呀！共你拍落去！」 怹彼?老尪徛佇尻川後，薰吹?咧，目降鬚chhang，眼光目鏡掛咧，嘴鬚撚起來，薰 吹捎咧：「我佮你此?老的，少年單生一粒種籽，你今仔日敢共我打整？我擋你也會 牢？恁父薰吹一下請你！幹恁娘，予你！」 「唉唷？老的，你也敢拍我？」 「拍你都拍你，閣拍你？」 厝邊的人聽著冤kah玲瓏哮，碗盤chhe?h-chhe?h破，來問講：「恁是冤啥物代誌 的？」 都是按呢按呢按呢！此款的都是號做「有咧吵嬌」。