打拳賣膏藥
演唱
阿秀、高貢笑
關鍵詞
內容描述
男出場賣膏藥，女要求唱歌，於是唱一段賣藥調(江湖調)。為民俗演藝的精彩作品，更表現鄉土小戲裡，男女互罵的精采演藝作品，是相當經典的「北兵遇路鰻」--兇女人遇見流氓的戲齣。
語言
臺語
發行編號
T275(利家-黑)
出版者
日蓄(古倫美亞)
資料提供
日本國立民族學博物館
全文
「來啊！（介）哈哈哈哈哈！（介）來來來！小弟較不才，今仔日閣再遮來。嘿嘿，別人變把戲是咧牽猴，小弟鈍者得欲拍拳頭啦！看你是欲看達春，抑永春？太祖，抑鶴拳？抑是欲風車輦，紡車輪，三十六步的大聖拳，七十二步的姑娘教??雨傘拳liah？別人賣藥全用彼號海口，小弟的藥仔會使賣走。按怎走賣走啊？論起三十六味的君臣，佮七十二味的青草。大還魂、小還魂啊！珠仔草、砂埔輪，大金櫻、小金櫻，青山龍、倒地莖，紅荼篦69、佮五爪龍啊。藤者兔絲、雞舌黃、鴨舌黃、外魂草、鼠尾黃。小弟此件藥仔，he是佮別人不相同喔！」 「喂！賣藥仔的啊？」 「Eh？」 「唱歌較好啦！念歌較好啦！」 「你愛欲聽歌是毋？」 「著啦！」 「我來唱一兩塊無外好的，若無嫌，我即閣念淡薄！」 「無嫌啦！」 「看你是欲愛聽新英台，抑是欲呂蒙正？抑是白圭記，劉成英、妾身落陰山、守房 間？」 「好啦！凊彩好！凊彩啦！」 「凊彩好？好啊！絃仔共我鉸去！傢俬削去啊！（唱）我來各位喔，啥物咧代囉？唉 唷…，欲來炕中新啊藥材啊，望恁遮的社會喔，來喔，共我鬥紹介喔！阮今蹛咧艋舺 啊，刁工來。炕中新藥材咿，唉唷喂！」 「唉唷喂！夭壽短命啊！目睭你是穿褲，抑下消？」 「按怎？」 「你是咧lap啥潲？規雙鞋共恁父lap kah全是塗了了！」 「唉咿…？」 「恁父欲擋袂牢！」 「唉咿…，我都毋捌看見你此扮查某敢遮呢赤？無啥無代你咧亂亂車？阮查埔人佇咧 徛，誰人叫你斡咧拄拄車？」 「Eh？你毋咧講痟話？你看阮聽官徛此搭，你刁遲lap著阮下腳，短命你敢是咧無人教 咧？拄著別人，你都食毋焦喔！」 「無啊，你欲按怎樣仔的？」 「按怎樣？」 「也無怎樣，你踮遐咧醬醬醬？Ha?h？查某人毋免嘴遐呢嬲啦！」 「Kah偌嬲？」 「你害我腳底去閃著，加講你都紲共我服藥！」 「有影--無？」 「有影！」 「你共恁父騙人真無款！」 「按怎？」 「目睭你都裂較懸咧！無講恁父無毋願，驚死恁父毋敢佮你冤喔！」 「唉咿？我問你咧！查某人啊，你是踮遮咧擠羊水啊？」 「擠羊水？」 「驚khoeh，你都閃較開！你是此款的烏貓咧不死鬼，敢佮阮這查埔的徛做堆？」 「唉唷…，半路死短命，免咧傷嘴利！加講面都欲予你種官蘭！」 「按呢喔？」 「我看你都踮遮等！」 「有影呢？」 「恁父嘛欲予你看白牡丹！」 「無啊！我問你，你是靠啥物貨的勢？」 「也使靠勢？」 「到遮講kah遮硬牙？Ha?h？我咧做人猶毋捌予人擘啦，驚死毋敢佮你冤家喔！」 「冤家都來--講！冤家我咧驚你？」 「來，做你來！」 「煞煞去liah！人欲做生理賺食淡薄，佮人吵吵鬧鬧啦？」 「我此擺搪著這太可惡佇咧！」 「這老貓早死，早共拖去喔！」 「煞煞去！」
