今古生產法(下)
演唱
王滿良
關鍵詞
內容描述
是同一唱片的背面，講述比較安全的婦女生產方法。要在床上撐著，要有好手挽的來幫忙。
接著講到在室女生孩子比較好生，主要在取笑愛情觀念開放的「烏貓」，因為沒有嫁人而生小孩、不敢大聲呼喊，所以陣痛時不感大呼小叫。至於有丈夫的就不怕人知道，生孩子就比較痛的樣子。
所謂〈今古生產法〉，真的說到關於生小孩的情節不多，主要是嘲諷社會風氣的笑科說話唱片。
語言
臺語
發行編號
T127(利家-黑)
出版者
日蓄(古倫美亞)
資料提供
日本國立民族學博物館
全文
生產若欲第一安全，就是用咱室內自己家己的眠床。眠床有一?眠床桌，腳骨都弓咧眠床桌的。毋過上驚伊骯髒會流落去，油紙即來共舒 一塊，稍停仔嘛倘好包穢。毋免親像干若手骨咧搦 串仔魚箍，唉唷…，軟軟按呢…如果人傷細漢，棉績被捲一箍來共接咧。閣較細漢，枕頭閣共掙 一箍，手骨折後予伊掛咧招風的。抾囝母 是叫一?較好手腕的共鬥挲，毋通叫一款彼號共鬥生的彼?武身 若踮遐咧： 「i?！」 「我共你鬥生無要緊！我共你鬥擲！」 「i?！」 人身的肉體都予伊無關連，此款的是絕對無效啦！如果在室女的佇咧生囝，to較好勢生。有翁的咧生囝，都較歹勢生。在室女的欲怎樣生囝？你無聽見講啥物男女平等囉，欲置翁置某都家己揀囉？結論講欲公園遐山仔頂，塗腳較陰冷。人共供體 講啥物號做烏貓囉，啥號做烏狗囉。烏貓佮烏狗是絕對袂用的做堆得，做堆落去到地，腹肚都強強欲大的起來。十月日一下足，一下得欲生囝，怹老父驚見笑，去關咧房間仔底，毋敢予出來。怹序大人若蹛此?社會上來往佮人買賣，抑人都共稱讚： 「某甲，哇…，你真好命矣！哈哈…，你連鞭得欲做安公矣！」伊聽著此款的話： 「碗糕！我也無囝婿，欲按怎做安公咧？」 想著嘛見笑kah！不得已轉來怹厝的，怹查某囝閣囥較密咧。毋過時到一下得欲生呢，腹肚一下咧糾 絞痛，想得欲來： 「唉唷…，我腹肚疼！」怹老母講： 「你都毋通按呢哀！我苦，你若無翁，欲呔會生囝？恁老父佮人買是相當的名望，隔壁房堵薄薄，毋拄好予人聽見，見笑kah得欲害去喔！」 不得已去忍 牢咧，陣 一下到，未曾未得欲來： 「i?！」 「哇苦？你都毋倘按呢盯！予人聽見真見笑啦！較細聲咧，毋倘擲啦！」 囡仔是佇咧腹肚內，坦橫腳骨掙咧，陣一下到，心臟猶有力倘共囡仔共相仝。 「i?！」 按呢一下都生出來矣，非常的安全。有翁的咧生囝，干若較艱苦。腹肚未曾疼，都想欲來： 「唉唷…」怹老母都講： 「你毋都毋通按呢哀！」 「我有翁啦！我咧驚啥代誌？」陣一下未曾到，伊都想欲來： 「i?！i?！」 「你嘛毋通按呢擲！」 「我未曾未擋袂牢！我未曾未擋袂牢！」 按呢強強擲，擲甲心臟一下無力，人紲睏去。講啥物是觀音媽咧對伊睏。今咱肩胛頭擔擔，擔到樹腳，人一下??，艱苦咧睏眠，都敢觀音媽咧對咱睏？看有糊塗抑無咧？
