一女配三婿(四)
演唱
高貢笑
關鍵詞
內容描述
一女配三婿為民間故事。前三段式有位賭徒為了賭本，前後將女兒任意許配給地理師、藥鋪掌櫃、長工三人，後反悔衝撞火車自殺了。女兒愛讀書很有學問，婚期到三人齊來迎娶，便出題讓三位對答，長工不識字，於是女主角出一個不用識字的比手畫腳謎題，先比上比下、比前比後，接著左手五支手指、右手三支手指，讓他們猜女主角是什麼意思？
地理師、藥鋪掌櫃分別以他們的專業回答，長工回答說：「叫天天袂講，叫地地袂應，進前無步，退後無路，單了三十箍，誤了我無某」表現意外突出，於是最後女主角嫁給了長工。
語言
臺語
發行編號
T122(利家-黑)
出版者
日蓄(古倫美亞)
資料提供
日本國立民族學博物館
全文
此?女士ho??h，佮此?地理仙，佮這藥材行的賬櫃啊，兩?佇咧做猜啦！伊做予伊猜，伊做予伊猜，猜到半中站即被此?長工共伊中止佇咧，講袂用的！講伊無讀書毋捌字，看哪有法度倘好佮伊做猜？此號都叫女士本身出來做即會用的，看家己做家己猜欲呔會用--的？ 實在都有理ko。抑無，我女士本身出來來做一?予怹聽看覓咧！我此馬都做彼號無寫字即會用的！若做彼號有寫字的ho??h，恐驚伊此兩位捌字啦，長工毋捌字。所以此馬欲k?手? 比，恁三位啊，看我的號令！我此馬做這題目予恁看： 「指懸指低，指前指後，左手指三支指頭仔，右手比了五支的指頭仔，按呢做題目予恁猜。猜若會著，我嫁伊做某。」 「Ha?？你有遐幼？先生啊，此馬女士佇咧講啊，講指懸指低，指前指後，指三支指頭仔，指五支指頭仔，講欲予咱猜。猜若會著，欲予人做某。猜無著，都無你知毋？」 「予我ko！Ho?…，此號是我地理仙所慣串的ko！來來！女士啊，你聽予詳細ho??h，你指懸是天清啦！指低是地靈，指前是前招，指後是後應，左手三支指頭仔是三元及第，右手五支指頭仔是五子登科，是抑毋是啊？」 「慢且是！慢且是！猶閣兩個猶未做啊！」 Ho? 啊…，抑毋著甲賬櫃囉啦！這藥材行賬櫃講：「啊…，你此?先生ho??h，專門佇咧做這誠無理的毋？此馬著甲我賬櫃，我嘛欲做我家己的本房的。啊，有影ko。女士啊，你指懸，都是天門冬；指地，地骨皮；指前是前毛，指後敢是後拍？左手三支指頭仔，敢是三仙丹？右手五支的指頭仔是五倍子。是抑毋是啊？」 「慢且是啦！猶閣長工猶未做！」 「唉唷…，我…，我都毋捌字，閣佮恁做？哇…，piang啊，欲做kah此號對，此?詩號做ni?-ni，是怹兩位的賬櫃佮先生即會曉做，我做長工人欲哪會曉做？我無法度！我無法度！哇…，piang啊，我今仔日叫天天袂講，叫地地袂應，進前無步，退後無路，單了三十箍，誤了我無某！」 「啊…，（鼓掌）誠通！誠通！誠通！」 唉咿…，發事是乘人啊，出此三?主決，應該ho??h，此?女士也著嫁此?長工即著！ 恁逐家愛瞭解，此兩?ho??h，算是做恁本房的啦！算地理仙做恁本房的，你算藥材行的賬櫃，全部做遐的藥味，he算無意中彼中間講出，應該伊較通啊！伊都講叫天天袂講，叫地地袂應，進前無步，退後無路，單了三十箍三支指頭仔，誤了我無，拄好五支指頭仔！正正此?伊的某，應該著伊娶去！ 「長工啊！實在此?你的，做你娶去毋免驚！」 「是有影喔？阮甲遐衰？啊…」此兩?都也娶無喔，he真暈（n?g）！ 「免驚！免驚！做你娶！」 「來！扛轎的啊！來！共我扛女士出來ho??h！行！緊來喔！」（八音） 「He咱兩?誠衰，怎麼長工娶去？He奇囉！」
