臺灣音聲一百年網站

全文

此?王勝文將長工遮的錢提過手，心內那想那歡喜：「是我的手腕遐呢好，計共提這三位的錢。今這三十箍閣毋倘跋你知毋，都提轉來阮he厝裡，佮阮彼?查某囝倘度尾日。」 不覺轉來都無偌久咧，日子一日一日直直到囉，王勝文去致染一?七情的煩惱在心頭，講：「設使日子若是到，彼陣欲呔有三?查某囝倘配這三?？看彼陣欲按怎？唉…」想甲無計可施啦，去染一?病在身。 怹查某囝看見王勝文破病在身，即近前倚來：「爹爹e！這是為著啥物病？」 王勝文即說之：「今仔日是真正不得已，姑不將我即共囝你講起。你的阿爹是為筊來所害矣起致，看欲按怎樣仔將囝你的親chia?配人三位啦？收人三位的定，假的共人限（?n）講八月十五即來娶。看彼陣人若欲來娶，欲按怎？」 此?王女士聽著怹此?老父講這幾句，下手灶灶灰灰（hu），頭順紲欲滴落來，目屎敢欲輪落來：「唉咿…，想甲我的命敢會按呢生？」 真正怹老父即佇咧講起，講：「留我在這世間，趁人做人，無面目佮人相見，我總想得來行短路！等待下昏若是九點二十分，夜行的尾ch?a車若到，我即來出外遮的火車路，被火車來研過。離開這世界，免這永遠的臭名啦！」 Eh？時鐘拄好拍九點，時間得欲到囉。抑我都較緊咧，來去火車路聽候！唉咿？火車來囉啦！趕緊倒予好勢！ 「唉？逐家啊！火車研死人喔！火車研死人喔！」 「有影喔？來看！來看！唉咿…，此?都是王勝文ko，王女士怹老父啦！來共報喔！」 「女士啊！」 「啥貨啊？」 「恁老父被火車研死矣啦！」 「有影--無？唉唷…，父親e！你在倘來行此短路？佮我離開這世界？爹爹喂！」 「毋免哮！毋免哮！今都發落葬式較實在啦！」 王勝文緊葬，葬了後明白。王女士回轉來家中，日日佇咧憂慮啦！日子將近直直到囉 啦！八月十五彼日拄到，（喇叭聲）地理仙坐自動車，本身來欲娶伊是毋？ （車聲）Eh？彼爿藥店的賬櫃親身也落來囉！ （八音）啊…，閣此?長工本身也坐轎啦，伴八音啦，來得欲娶啦。 Eh？這三?人計計做一堆來囉啦！ 「Eh？Eh？Eh？恁逐家欲相照？」 「我得欲來娶王勝文怹查某囝liah！」 「我嘛是欲來娶怹查某囝！」 「Eh？He都奇？人怹查某囝嫁我，有寫領收證予我呢！伊閣拍收單予我liah！」 「甲遐奇？加話毋免諍！叫怹查某囝出來問！來喔，王女士喔，出來囉！」